2010-05-09
Оюутан байлаа
Гантай зуны элсэн цөл шиг
Галтай нас минь дурлалаар ангасан
Очтой ассан хуурай мод шиг
Омогтой зүрх минь хайраар дүрэлзсэн
Нэр сайхан ч ядуухан заяатай
Бэл нимгэн ч бардамхан яриатай
Оюутан байлаа хөөрхий

Олон шүүлэг давалгүй онхолдчихоод
Орон нутаг зорихдоон уйлаагүй зүгээр л нүдээ арчсан
Охидын харцанд ээрэгдэж орой нь сэтгэл жиндэхдээн
Уурлаагүй зүүдүү энэ чинь гээд л инээсэн



Тээр жилийн тэнгэр дор эргээд нэг зогсоё уу
Талхны булан тэврээд дотуур байраа зорьё уу
Моторын дуу шиг чийртэй цахилгаан хонхны чарлаан
Мулгуу тархины дайсан хуруу зузаан консвект

Багш шавь хоёрын цаг нөхцөөдөг х...
2010-05-09
Чимээгүй бүр аймаар нам гүмээс
Чи надад хайртайгаа хэллээ.
Гашуун бүр хорсмоор шорвог
Гайтай тэр үгнээс болж
Залгиж хорьсон нулимс
Зүрхэнд шөнөжин шивэрлээ.
Хүзүүн дээр чинь үлдсэн
Хүйтэн намрын улаан навчийг
Хөр цасны эхээр
Хийсээд явчихсан хойгуур

Эцсээ хүртэл хувирч хувирч
Эргээд ирсэн чамаасаа
Асуух нэгэн асуулт байна
Амаараа чи хариулж чадах уу
Урвасан шөнийнхөө халууныг
Уруулаараа чи бүтээж чадах уу
Өмнөөс минь дальдран ширтэх
Өрөвдмөөр харц чинийх мөн үү.
Уйлаагүй болохоор цэлмээгүй нүдээр
Урдаас чинь ширтэх хэцүү юм байна
Бардам төрхөө гээтлээ шаналах байж
Дэнгий...
2010-05-09
Үнсэлт урвалтын ялгаа
Урвалтаан чи салхиар дамжуулж
Үнсэлтээн чи өөрөө авчирдаг
Янжуурын утаанд зүрхийг минь бэлэглэж
Ягаан уруулыг чи үнсэхдээ шунадаг
Содон үнэр чинь өрөөгөөр тарж
Солиотой мөрөөдөлөө чи ханан дээр бичихэд
Үнэн гэдэг чинь үнэн биш юм байна гэж
Өчүүхэн шаралхуу зүрх минь хашиградаг
Үнсэлтээн чи өөрөө бэлэглэдэг мөртөлөө
Урвалтаан чи өөрөө хэлж зүрхэлдэггүй
...
2010-05-09
Дурлалд чинь би нэрээ дэвшүүлье


Дугуй толийг хөлсний мананд цан цохитол чамтай өнжье
Дугариг сарыг нүцгэн биеэр хиртэж хонотол чамтай саатъя
Дууныхаа өнгийг амрагийн аязаар сүлэлдэн эгшиглэтэл шөнийг өнгөрөөе
Дурлалд чинь би нэрээ дэвшүүлэн утас чагнан чамайгаа хүлээе



Хэлнийхээ шүргэлтийг чихний чинь омгонд ээмэглэн хонуулъя
Хэнхдэгний чинь товчийг алганыхаа хонхорт гижигдэн хонуулъя
Хэний ч мэдэхгүй могой бүжгээр тэврэлдэн хоноё
Хэнд ч үлдээх зай завсаргүй үнсэж хоноё

Нуруу дамжин биеийг чинь илбэн сэрлийг чинь өдөөе
Нуух юмгүй хувцсаа тайчилцан нэгнээ таалъя
Нүцгэн эсээрээ диваажингийн үүдийг хамтдаа нээе
Нүгэл биш ээ...
2010-05-09
Орхисонд минь уучлаарай



Уучлаарай хайрт минь чамдаа хэлээгүй явсанд минь
Урсах нулимсаа арчин байж чамайгаа орхисон шүү
Уйтгарлаж буй сэтгэлийг минь чи ойлгож байгаа болов уу
Уучлаарай хайрт минь чамдаа хэлээгүй явсанд минь

Өршөөгөөрөй хайрт минь чамайгаа үнсээгүй явсанд минь
Өдөр шөнөжингүй чинийхээ тухай бодон байж чамайгаа орхисон шүү
Өнчин зүрхэндээ шаналсаныг минь чи мэдэж байгаа болов уу
Өршөөгөөрөй хайрт минь чамайгаа үнсээгүй явсанд минь

Намайг буу мартаарай насан туршдаа бодоорой
Нандин энэ хайраа нандигнаж чи минь хадгалж яваарай
Нарт ертөнц дээр хамгийн сайхан аз жаргалыг олж аваарай
Намайг буу мартаарай...
2010-05-09
Үгүйлэхүй

Ардын дууны зовлон жаргалан дунд
Анхны харц шиг цочмог чи минь алга байна
Анхны харц шиг цочмог чамайг минь эзгүй байхад
Ардын дууны тавилан нэгэн ухаарлаар дутуу байна
Аашлаад буцсан ухаан минь альхан дуунд хангинаа бол?!

Буугаад морддог хурим найр, цэнгэл дунд
Будан манан шиг нууцлаг чи минь алга байна
Будан манан шиг нууцлаг чамайг минь эзгүй байхад
Буугаад мордох хурим нэгэн инээдээр дутуу байна
Буцаад холдсон инээд минь хэний хуриманд цангинаа бол?!

Ванлийд гардаг гоё гоё охидын дунд
Ванлий шиг хөөрхөн төрсен чи минь алга байна
Ванлий шиг хөөрхөн терсөн чамайг минь эзгүй байхад
Ваа...

2010-05-09
Хайр шаардах хуудас


Дуугүй ширтэж даруухан инээмсэглэх залуу минь намайг уриач
Дуртмал харцаараа хэлээд байгаа шигээ дулаан үгээ чихэнд минь сонсгооч
Дурлалаар жигүүрлэж бардам алхах энэ л насыг минь биширсэн мансуурлаа
Дуулимд чи нуусаар буцах гэж үү?

Алив хонгор минь зоригтойхон байж намайг уяраа
Аавын бяцхан охиныг гал цогтой чигээр нь хайрла
Агаараар дутах цэцэг шиг би үл амьдарна
Аз жаргалаа алсаас ширтэн чи бүү амьдар аа

Янагийн тэнгэрт минь салхи дэгдээн яг одоо зүрхээ нээ
Яльгүй зүйл бодож омголон эрийн төрхөөр зүрхээ бүү хуур
Өнөөдөр л чи намайг уургал, үдшээр намайг бүү амраа
Өө, тэгвэл сая хайрыг чи...
2010-05-09
Чиний дурлал
Хавирган сар нэмэн нэмсээр дүүрдэг шиг
Хайрын сэтгэл минь улам чамд дасаад байх юм.

Сарны гэрэлд лянхуа навчсаа хумьдаг шиг
Сайхан чиний хайрын илч чинь буураад байх юм.

Өвсөнд буусан үүрийн шүүдэр хийсдэг шиг
Арилах болов уу,

Усанд унасан борооны дусал хатдаггүй шиг
Амьдрах болов уу?

Чиний дурлал.
2010-05-09
Чамдаа
Будантай Сөүлийн гэгэлхэн амьдралд
Бурхан гэвэл чи минь л байна
Цагаан дарь эх залрав уу гэлтэй
Цахилаад өнгөрсөн ч сэтгэл тэнийнэ
Тэнгэр цэлмэж наран мандах шиг
Тэлмэн сар гэлтэй инээмсэглэл чинь үлдэнэ
Уяхан замбууд чамтайгаа учраагүй бол
Уул шиг алт олоод ч ингэж баярлахгүйсэн

Дорнын саран хээр хонох шиг
Дотонохон чи минь хүрээд ирдэг ээ
Үнэр чинь шингэсэн хөнжилдөө хургаад
Үүр цайтал сэрүүн зүүдлэдэг би
Хоромхон ч гэлээ амтлуулсан хайр чинь
Хорвоог энэрэх ухаан үлдээдэг шүү
Танхил биеийг чинь таалах хувьтай
Тэнгэрээс од шүүрсэн хүмүүн би
...
2010-05-09
Чамаас олсон
Өөрийгөө би чамаас олсон
Өлгий болоод живх, өндөр уулс чинь байсан
Өндөр босгыг чинь алхах гэж
Өт болоод хорхой ал алиныг нь дамжсан
Унах газраа олохгүй тэнэсэн намайг
Уйлахад минь тоссон эх орон минь ээ

Ижийгээ би чамаас олсон
Ижилгүй дуурайх гэж зүсийг нь өвчиж төрсөн
Дахиад ямар цээжин дотроос нь түлхлэх биш
Даалимбан дээлнийх нь хормойг шалба норгож унасан
Сайхан ижий минь намайгаа үүрч алхахад
Салхи чинь хүртэл хүндэднэ гэж хийсч одсон
Ижийнхээ нурууг амрааж, хөлд орохын цагт минь
Ивж ургасан өвс нь налж сөгдсөн эх орон минь
Ижийгээ би чамаас олсон

Гуниггүйхэн залуу насаа би чамаас о...
idiomatic-dormant
idiomatic-dormant